ನ್ಯಾಕ್ ಉನ್ನತ ಶಿಕ್ಷಣದ ಎಲ್ಲಾ ಕಾರ್ಯಕ್ಷೇತ್ರಗಳನ್ನೊಳಗೊಂಡ ಅತ್ಯುತ್ತಮ ಸಂಗ್ರಹದ ಗ್ರಂಥಾಲಯವನ್ನು ಹೊಂದಿದೆ ಮತ್ತು ಉನ್ನತ ವಿದ್ಯಾಭ್ಯಾಸ ಮತ್ತು ಮಾನ್ಯತೆಯ ಗುಣಮಟ್ಟಕ್ಕೆ ಹೆಚ್ಚು ಪ್ರಾಮುಖ್ಯತೆ ನೀಡುತ್ತದೆ. ಅಂತರ್ಜಾಲದ ಮೂಲಕ ಗಣಕೀಕೃತ ಪ್ರಸರಣ ಮತ್ತು ಒಪಿಎಸಿ(ಒಪ್ಯಾಕ್- ಆನ್‌ಲೈನ್ ಪಬ್ಲಿಕ್ ಆಕ್ಸೆಸ್ ಕ್ಯಾಟಲಾಗ್) ಗಾಗಿ ಬಾರ್ಕೋಡ್ನೊಂದಿಗೆ ಗ್ರಂಥಾಲಯ ಸಂಪೂರ್ಣವಾಗಿ ಯಾಂತ್ರಿಕೃತವಾಗಿರುತ್ತದೆ.

ಈ ಸಂಗ್ರಹಣೆಯಲ್ಲಿ ಮೌಲ್ಯೀಕರಣ ಮತ್ತು ಮಾನ್ಯತೆ, ಬೋಧನೆ-ಕಲಿಕೆ ಪ್ರಕ್ರಿಯೆ, ಬೋಧನಾ ತಂತ್ರಗಳು, ಪಠ್ಯಕ್ರಮ ಅಭಿವೃದ್ಧಿ, ಉನ್ನತ ಶಿಕ್ಷಣದಲ್ಲಿ ಐಸಿಟಿ, ವಿಶ್ವವಿದ್ಯಾಲಯ ಶಿಕ್ಷಣ, ಶೈಕ್ಷಣಿಕ ಯೋಜನೆ ಮತ್ತು ಆಡಳಿತ, ಬೋಧಕವರ್ಗ ಅಭಿವೃದ್ಧಿ, ವಿದ್ಯಾರ್ಥಿ ಬೆಂಬಲ ಮತ್ತು ಪ್ರಗತಿ, ಮಹಿಳಾ ಅಧ್ಯಯನ, ಸಂಪೂರ್ಣ ಗುಣಮಟ್ಟ ನಿರ್ವಹಣೆ, ನಿರ್ವಹಣೆ, ಗ್ರಂಥಾಲಯ ಮತ್ತು ಮಾಹಿತಿ ವಿಜ್ಞಾನ, ವಿದ್ಯಾರ್ಥಿ ಅಭಿವೃದ್ಧಿ ಮತ್ತು ಸಾಮಾನ್ಯ ಉಲ್ಲೇಖದ ವಸ್ತುಗಳು. ಯು.ಜಿ.ಸಿ, ಎಐಯು, ವಿಶ್ವ ಬ್ಯಾಂಕ್, ಯುನೆಸ್ಕೋ, ಕಾಮನ್ ವೆಲ್ತ್ ಆಫ್ ಲರ್ನಿಂಗ್ ಮತ್ತು ಇತರ ಅಂತರಾಷ್ಟ್ರೀಯ ಮಾನ್ಯತಾ ಸಂಸ್ಥೆಗಳ ಪ್ರಕಟಣೆಯ ವಿಶೇಷ ಸಂಗ್ರಹವನ್ನು ಗ್ರಂಥಾಲಯವು ಇರಿಸಿಕೊಳ್ಳುತ್ತದೆ. ಗ್ರಂಥಾಲಯ ಸಂಗ್ರಹಗಳನ್ನು ಡೆವಿ ದಶಮಾಂಶ ವರ್ಗೀಕರಣ ವ್ಯವಸ್ಥೆ ಪ್ರಕಾರ ವರ್ಗೀಕರಿಸಲಾಗಿದೆ.

ನ್ಯಾಕ್ ಸಿಬ್ಬಂದಿ ಮತ್ತು ಶೈಕ್ಷಣಿಕ ಬಳಕೆದಾರರಿಗೆ ಮತ್ತು ಇತರ ಸಂಸ್ಥೆಗಳಿಂದ ಎಲ್ಲಾ ನ್ಯಾಕ್ ಪ್ರಕಟಣೆಗಳಿಗೆ ಗ್ರಂಥಾಲಯದ ಪ್ರವೇಶಕ್ಕೆ ಅವಕಾಶ ಇರುತ್ತದೆ . ಗ್ರಂಥಾಲಯ ಸುಮಾರು ನೂರಕ್ಕೂ ಹೆಚ್ಚಿನ ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ನಿಯತಕಾಲಿಕಗಳು ಮತ್ತು ಎಮರಾಲ್ಡ್ ಮತ್ತು ಇಆರ್ಐಸಿ ಅಂತರಾಷ್ಟ್ರೀಯ ದತ್ತಾಂಶ ಮಾದರಿಗಳ ಜಾಲತಾಣ ಮತ್ತು ಮುದ್ರಣ ಆವೃತ್ತಿಗಳಿಗೆ ಚಂದಾದಾರರಾಗಿದೆ.

ಈ ಗ್ರಂಥಾಲಯದಲ್ಲಿ ಸ್ವಯಂ ಅಧ್ಯಯನ ವರದಿಗಳು (ಎಸ್ಎಸ್ಆರ್), ಮರು-ಮಾನ್ಯತಾ ವರದಿಗಳು(ಆರ್ಎಆರ್), ಆಂತರಿಕ ಗುಣಮಟ್ಟ ಖಾತರಿ ಕೋಶ ವರದಿಗಳು(ಐಕ್ಯೂಎಸಿ) ಮತ್ತು ಪರಿಶೀಲನಾ ತಂಡಗಳ ನ್ಯಾಕ್ ಮಾನ್ಯತೆ ಪಡೆದ ಕಾಲೇಜುಗಳು ಮತ್ತು ವಿಶ್ವವಿದ್ಯಾನಿಲಯಗಳ ದಾಖಲೆಗಳು, ಸುಲಭವಾಗಿ ಮರುಪಡೆಯಲು ಕಂಪ್ಯೂಟರೀಕೃತಗೊಳಿಸಲಾಗಿದೆ. ಸಂಗ್ರಹಣೆಯು ಮಾನ್ಯತೆ ಮತ್ತು ಶಿಕ್ಷಣ ಸಂಶೋಧನೆಯ ಪ್ರಕ್ರಿಯೆಯಲ್ಲಿರುವವರಿಗೆ ಮೌಲ್ಯಯುತವಾದ ಉಲ್ಲೇಖ ವಸ್ತುವಾಗಿ ಪ್ರಶಂಸಿಸಲ್ಪಟ್ಟಿದೆ. ಆಂತರಿಕ ಮತ್ತು ಬಾಹ್ಯ ಬಳಕೆದಾರರಿಗೆ ಬೇಡಿಕೆಯ ಮೇಲೆ ಪ್ರವೇಶವನ್ನು ನೀಡಲಾಗಿದೆ .

ಗ್ರಂಥಾಲಯವು ಎಲ್ಲಾ ಕೆಲಸದ ದಿನಗಳಲ್ಲಿ ಬೆಳಗ್ಗೆ ೯.೧೫ ರಿಂದ ಸಂಜೆ ೫.೪೫ ರವರೆಗೆ ತೆರೆದಿರುತ್ತದೆ.