ನ್ಯಾಕ್ ಮೌಲ್ಯಮಾಪನ ಮತ್ತು ಮಾನ್ಯತಾ ಪ್ರಕ್ರಿಯೆಯನ್ನು ಮೌಲ್ಯಮಾಪನಕ್ಕೆ ಒಳಪಡುವ ಸಂಸ್ಥೆಯೊಡನೆ ಪಾಲುದಾರಿಕೆಯೊಡನೆ ನಡೆಸುವ ಜಂಟಿ ಕಾರ್ಯಾಚರಣೆ ಎಂದು ಭಾವಿಸುತ್ತದೆ. ಪ್ರಕ್ರಿಯೆಯ ಪ್ರತಿಯೊಂದು ಹಂತವೂ ಪಾರದರ್ಶಕತೆಯಿಂದ ಗುರುತಿಸಲ್ಪಟ್ಟಿದೆ. ಪ್ರಕ್ರಿಯೆಯ ವಿವಿಧ ಹಂತಗಳಲ್ಲಿ ಪರಿಶೀಲನಾ ತಂಡದ ಸ್ವಂತ ಹಿತಾಸಕ್ತಿ ನಿವಾರಿಸುವುದು, ಭೇಟಿ ನೀಡುವ ವೇಳಾಪಟ್ಟಿಯನ್ನು ಯೋಜಿಸುವುದು, ತಂಡವು ಆವರಣ ಇತ್ಯಾದಿಗಳನ್ನು ಬಿಟ್ಟು ಹೋಗುವ ಮೊದಲು ಪರಿಶೀಲನಾ ತಂಡದ ಕರಡು ವರದಿಯನ್ನು ಹಂಚಿಕೊಳ್ಳುವುದು- ಈ ಎಲ್ಲಾ ಹಂತಗಳಲ್ಲಿ ಸಂಸ್ಥೆಯೊಡನೆ ಸಮಾಲೋಚನೆ ನಡೆಯುತ್ತದೆ. ಈ ಸಹಭಾಗಿತ್ವದ ವಿಧಾನದ ಹೊರತಾಗಿಯೂ, ಸಂಸ್ಥೆಗಳಿಗೆ ಕೆಲವು ಕುಂದುಕೊರತೆ ಕಾಣಬಹುದು. ಆದ್ದರಿಂದ, ಪ್ರಕ್ರಿಯೆ ಅಥವಾ ಅದರ ಫಲಿತಾಂಶದ ಬಗ್ಗೆ ಅಥವಾ ಅದಕ್ಕೆ ಸಂಬಂಧಿಸಿದ ಯಾವುದೇ ಸಮಸ್ಯೆಗಳ ಬಗ್ಗೆ ಸಂಸ್ಥೆಗಳಿಗೆ ಅನ್ಯಾಯವಾಗದಂತೆ ವಿಮರ್ಶೆ ಕಾರ್ಯವಿಧಾನವನ್ನು ಒದಗಿಸಲು, ನ್ಯಾಕ್ ಕುಂದುಕೊರತೆ ಪರಿಹಾರ ಮಾರ್ಗಸೂಚಿಗಳನ್ನು ರೂಪಿಸಿದೆ. Grievance Redressal Guidelines.

ಎ & ಎ ಫಲಿತಾಂಶವನ್ನು ಘೋಷಿಸಿದಾಗ, ಮಾನ್ಯತೆ ಸ್ಥಿತಿಗೆ ತೃಪ್ತಿ ಹೊಂದದ ಸಂಸ್ಥೆ ಈ ಮುಂದಿನವುಗಳನ್ನು ಸಲ್ಲಿಸಬಹುದು:

1. ನ್ಯಾಕ್ ನಿಂದ ಮಾನ್ಯತಾ ಪ್ರದಾನದ ಪತ್ರದ ಸ್ವೀಕೃತಿಯಿಂದ ೩೦ ದಿನಗಳಲ್ಲಿ ನ್ಯಾಕ್ ಅನ್ನು ತಲುಪುವಂತೆ ಮನವಿಪತ್ರವನ್ನು ಸಲ್ಲಿಸಬಹುದು. ಅದರಲ್ಲಿ ಸಂಸ್ಥೆ ಮಾನದಂಡವಾರು ಅಂಕಗಳನ್ನು ಒದಗಿಸುವಂತೆ ಕೋರಬಹುದಾಗಿದೆ.
2. ನ್ಯಾಕ್ ನಿಂದ ಮಾನದಂಡವಾರು ಅಂಕಗಳ ಮಾಹಿತಿ ಪಡೆದುಕೊಂಡ ದಿನಾಂಕದಿಂದ ೩೦ ದಿನಗಳ ಒಳಗೆ ನ್ಯಾಕ್ ಅನ್ನು ತಲುಪುವಂತೆ, ನ್ಯಾಕ್ ನಿಂದ ಸೂಚಿಸಲಾದ ನಮೂನೆಯಲ್ಲಿ ಮೇಲ್ಮನವಿಗಾಗಿ ಅರ್ಜಿ ಸಲ್ಲಿಸುವುದು (ಕುಂದುಕೊರತೆ ನಿವಾರಣಾ ಮಾರ್ಗಸೂಚಿಗಳನ್ನು ನೋಡಿ). ಮೇಲ್ಮನವಿಗಾಗಿ ಅರ್ಜಿಯನ್ನು ನಿಗದಿತವಾದ ಮರುಪಾವತಿಸಲಾಗದ ರೂ ೧,೦೦,೦೦೦ / - ಜೊತೆಗೆ ಸೇವಾ ತೆರಿಗೆ (ಜಿಎಸ್ಟಿ @ ೧೮%) ದಷ್ಟು ಮೊಬಲಗಿನ ಶುಲ್ಕದೊಂದಿಗೆ ಸಲ್ಲಿಸಬೇಕು.

ನ್ಯಾಕ್ ನ ಮೇಲ್ಮನವಿ ಸಮಿತಿ / ಕಾರ್ಯನಿರ್ವಾಹಕ ಸಮಿತಿಯಿಂದ ಮೇಲ್ಮನವಿ ತೀರ್ಮಾನಗೊಳ್ಳುವವರೆಗೂ ಯಾವುದೇ ವಿಷಯದಲ್ಲಿ ಯಾವುದೇ ಪತ್ರವ್ಯವಹಾರವನ್ನೂ (ಫೋನ್ ಕರೆಗಳನ್ನು ಒಳಗೊಂಡಂತೆ) ಪರಿಗಣಿಸುವುದಿಲ್ಲ. ಉದ್ದೇಶಕ್ಕಾಗಿ ರಚಿಸಲಾದ ಮೇಲ್ಮನವಿ ಸಮಿತಿಯು ಮೇಲ್ಮನವಿಯನ್ನು ಪರಿಗಣಿಸುತ್ತದೆ ಮತ್ತು ಕಾರ್ಯನಿರ್ವಾಹಕ ಸಮಿತಿಗೆ (ಇಸಿ) ಶಿಫಾರಸುಗಳನ್ನು ಮಾಡುತ್ತದೆ. ಈ ಹಿನ್ನಲೆಯಲ್ಲಿ ಕಾರ್ಯ ನಿರ್ವಾಹಕ ಸಮಿತಿ ತೆಗೆದುಕೊಳ್ಳುವ ನಿರ್ಧಾರವನ್ನು ಸಂಸ್ಥೆ ಒಪ್ಪಿಕೊಳ್ಳಲೇ ಬೇಕಾಗುತ್ತದೆ.

ಮೇಲ್ಮನವಿಗಳ ಸಮಿತಿಯ ವ್ಯಾಪ್ತಿ ವಿಸ್ತರಣೆ

೨೦೧೦ ರ ಸೆಪ್ಟೆಂಬರ್ ೪ ರಂದು ೫೩ ನೇ ಸಭೆಯಲ್ಲಿ ಕಾರ್ಯನಿರ್ವಾಹಕ ಸಮಿತಿಯು (ಇಸಿ), ಸಭೆಯಲ್ಲಿ ಮೇಲ್ಮನವಿಗಳ ಸಮಿತಿಯು ಸಂಸ್ಥೆಗಳಿಂದ ಮೇಲ್ಮನವಿಗಳನ್ನು ಪರಿಗಣಿಸುವುದು ಮಾತ್ರವಲ್ಲದೆ ಕಾರ್ಯನಿರ್ವಾಹಕ ಸಮಿತಿಯು ಸೂಚಿಸಿದ , ಮೌಲ್ಯೀಕರಣ ಮತ್ತು ಮಾನ್ಯತಾ ಪ್ರದಾನದ ಪ್ರಕ್ರಿಯೆಯಲ್ಲಿನ ವ್ಯತ್ಯಯ, ಉಲ್ಲಂಘನೆ ಅಥವಾ ದೂರುಗಳ ಕುರಿತಾದ ಪ್ರಕರಣಗಳನ್ನೂ ಪರಿಗಣಿಸಬೇಕೆಂದು ಪುನರುಚ್ಚರಿಸಿತು.

ಮಾನ್ಯತಾ ಪ್ರದಾನವಾದ ನಂತರ ಅದನ್ನು ಸುಧಾರಿಸಿಕೊಳ್ಳಲು ಇಚ್ಛಿಸುವ ಸಂಸ್ಥೆಗಳು, ಮರು-ಮೌಲ್ಯೀಕರಣಕ್ಕಾಗಿ ಸ್ವತಃ ಮುಂದಾಗ ಬಹುದು, ಮಾನ್ಯತಾ ಪ್ರದಾನವಾದ ನಂತರ ಕನಿಷ್ಠ ಒಂದು ವರ್ಷ ಮುಗಿದ ನಂತರ ಮತ್ತು ಮೂರು ವರ್ಷಗಳ ಒಳಗೆ ಅರ್ಜಿ ಸಲ್ಲಿಸಬೇಕಾಗುತ್ತದೆ. ಮರು ಮೌಲ್ಯೀಕರಣಕ್ಕಾಗಿ ಅನುಸರಿಸಬೇಕಾದ ಕೈಪಿಡಿಯು ಮೌಲ್ಯೀಕರಣ ಮತ್ತು ಮಾನ್ಯತೆಯ ಕೈಪಿಡಿಯು ಎರಡೂ ಒಂದೇ ಆಗಿರುತ್ತದೆ. ಆದಾಗ್ಯೂ, ಸಂಸ್ಥೆಯು ಮೊದಲ ಮೌಲ್ಯೀಕರಣ ಮತ್ತು ಮಾನ್ಯತಾ ಶಿಫಾರಸುಗಳ ಆಧಾರದ ಮೇಲೆ ನಿರ್ದಿಷ್ಟವಾದ ಪ್ರತಿಕ್ರಿಯೆಗಳನ್ನು ನೀಡಬೇಕು ಮತ್ತು ಸಂಸ್ಥೆಯು ಗುಣಮಟ್ಟದಲ್ಲಿ ಸಾಧಿಸಿರುವ ನಿರ್ದಿಷ್ಟ ಸುಧಾರಣೆಗಳನ್ನು ತಿಳಿಸಬೇಕು. ಮರು ಮೌಲ್ಯೀಕರಣಕ್ಕೆ ಶುಲ್ಕವು ಮೂಲ ಮೌಲ್ಯಮಾಪನ ಮತ್ತು ಮಾನ್ಯತೆಗೆ ಇದ್ದಷ್ಟೇ ಇರುತ್ತದೆ.

ಮಾನ್ಯತಾ ಪ್ರದಾನವಾದ ನಂತರ ಅದನ್ನು ಸುಧಾರಿಸಿಕೊಳ್ಳಲು ಇಚ್ಛಿಸುವ ಸಂಸ್ಥೆಗಳು, ಮರು-ಮೌಲ್ಯೀಕರಣಕ್ಕಾಗಿ ಸ್ವತಃ ಮುಂದಾಗ ಬಹುದು, ಮಾನ್ಯತಾ ಪ್ರದಾನವಾದ ನಂತರ ಕನಿಷ್ಠ ಒಂದು ವರ್ಷ ಮುಗಿದ ನಂತರ ಮತ್ತು ಮೂರು ವರ್ಷಗಳ ಒಳಗೆ ಅರ್ಜಿ ಸಲ್ಲಿಸಬೇಕಾಗುತ್ತದೆ. ಮರು ಮೌಲ್ಯೀಕರಣಕ್ಕಾಗಿ ಅನುಸರಿಸಬೇಕಾದ ಕೈಪಿಡಿಯು ಮೌಲ್ಯೀಕರಣ ಮತ್ತು ಮಾನ್ಯತೆಯ ಕೈಪಿಡಿ ಎರಡೂ ಒಂದೇ ಆಗಿರುತ್ತದೆ. ಆದಾಗ್ಯೂ, ಸಂಸ್ಥೆಯು ಮೊದಲ ಮೌಲ್ಯೀಕರಣ ಮತ್ತು ಮಾನ್ಯತಾ ಶಿಫಾರಸುಗಳ ಆಧಾರದ ಮೇಲೆ ನಿರ್ದಿಷ್ಟವಾದ ಪ್ರತಿಕ್ರಿಯೆಗಳನ್ನು ನೀಡಬೇಕು ಮತ್ತು ಸಂಸ್ಥೆಯು ಗುಣಮಟ್ಟದಲ್ಲಿ ಸಾಧಿಸಿರುವ ನಿರ್ದಿಷ್ಟ ಸುಧಾರಣೆಗಳನ್ನು ತಿಳಿಸಬೇಕು. ಮರು ಮೌಲ್ಯೀಕರಣಕ್ಕೆ ಶುಲ್ಕವು ಮೂಲ ಮೌಲ್ಯಮಾಪನ ಮತ್ತು ಮಾನ್ಯತೆಗೆ ಇದ್ದಷ್ಟೇ ಇರುತ್ತದೆ. ಯಾವುದೇ ಸಂಸ್ಥೆಯು ಮೌಲ್ಯಮಾಪನ ಮತ್ತು ಮಾನ್ಯತಾ ಪ್ರಕ್ರಿಯೆಗೆ ಮೊದಲ ಬಾರಿ ಒಳಗಾದರೆ ಅದನ್ನು ಒಂದನೇ ಆವರ್ತವೆಂದು ನಂತರದ ಅನುಕ್ರಮವಾದ ಐದು ವರ್ಷಗಳನ್ನು ಆವರ್ತ ೨ , ಆವರ್ತ ೩ ..... ಮುಂತಾಗಿ ಉಲ್ಲೇಖಿಸಲಾಗುತ್ತದೆ.