ನ್ಯಾಕ್ ಬೆಂಗಳೂರು ವಿಶ್ವವಿದ್ಯಾನಿಲಯ, ಜ್ಞಾನಭಾರತಿ ಆವರಣದಲ್ಲಿ ಭಾರತ ರಾಷ್ಟ್ರೀಯ ಕಾನೂನು ವಿಶ್ವವಿದ್ಯಾಲಯದ ಎದುರಿಗೆ, ಐದು ಎಕರೆಗಳಷ್ಟು ವಿಸ್ತಾರವಾದ ಆವರಣದಲ್ಲಿ ಸ್ಥಾಪನೆಗೊಂಡಿದೆ. ಮುಕ್ತ ರಾಷ್ಟ್ರೀಯ ವಾಸ್ತುಶಿಲ್ಪ ವಿನ್ಯಾಸ ಸ್ಪರ್ಧೆಯ ಮೂಲಕ ಆಯ್ಕೆಯಾದ ನ್ಯಾಕ್ ಕಚೇರಿಗಳನ್ನು ಹೊಂದಿರುವ ವಿಶಾಲವಾದ ಮತ್ತು ಕಾರ್ಯತ್ಮಕವಾಗಿ ವಿನ್ಯಾಸಗೊಳಿಸಲಾದ ಕಟ್ಟಡವನ್ನು ನಿರ್ಮಿಸಲಾಗಿದೆ. ಇಂಗಾಲದ ತಟಸ್ಥ, ಪರಿಸರ-ಸ್ನೇಹಿ ಪರಿಸರವನ್ನು ಹೊಂದಿರುವ ಇಂಧನ ಸಂರಕ್ಷಣೆ ಮತ್ತು ಮಳೆನೀರನ್ನು ಕೊಯ್ಲು ಮಾಡುವ ಉದ್ದೇಶದಿಂದ ಕೆಲಸ ಮಾಡುವುದು ಆವರಣದ ಆದ್ಯತೆಯಾಗಿದೆ. ಈ ಕಟ್ಟಡವನ್ನು ಸೂರ್ಯನ ಬೆಳಕು ಕಟ್ಟಡದೊಳಗೆ ಛಾವಣಿ ಕಿಟಕಿಗಳ ಮೂಲಕ ಪ್ರವೇಶಿಸಲು ವೈಶಿಷ್ಟ್ಯಗಳೊಂದಿಗೆ ವಿನ್ಯಾಸಗೊಳಿಸಲಾಗಿರುತ್ತದೆ. ಗಾಳಿ ಹಾದುಹೋಗುವ ದ್ವಾರಗಳು ಮತ್ತು ನಡೆಹಾದಿಗಳು ಗಾಳಿಯ ಮುಕ್ತ ಹರಿವನ್ನು ಅನುವು ಮಾಡಿಕೊಡುತ್ತವೆ. ಆದುದರಿಂದ ವಿದ್ಯುತ್ ಬಳಕೆ ಕನಿಷ್ಠ ಮಟ್ಟದಲ್ಲಿರುತ್ತದೆ. ಸಮೃದ್ಧ ಹಸಿರು ಪರಿಸರ, ಪರಿಸರ ಸಮತೋಲನ ಮತ್ತು ಪರಿಸರ ಸಂಪನ್ಮೂಲಗಳ ಸಂರಕ್ಷಣೆಯ ಬಗ್ಗೆ ಹೆಚ್ಚಿನ ಕಾಳಜಿಯನ್ನು ಹೊಂದಿದ್ದು ಈ ಆವರಣ ಮೋಡಿ ಮಾಡುವ ಅನುಭವವನ್ನು ನೀಡುತ್ತದೆ ಮತ್ತು ಆವರಣದಲ್ಲಿ ಆಹ್ಲಾದಕರ ವಾತಾವರಣವನ್ನು ಸೃಷ್ಟಿಸುತ್ತದೆ. ಆವರಣದಲ್ಲಿ ಎಲ್ಲಾ ಸೌಕರ್ಯಗಳಿದ್ದು ಸುಸಜ್ಜಿತವಾದ ಸಿಬ್ಬಂದಿ ವಸತಿಗೃಹ ಮತ್ತು ನಿರ್ದೇಶಕರ ನಿವಾಸದೊಂದಿಗೆ ೨೦ ಕೊಠಡಿಗಳನ್ನು ಹೊಂದಿರುವ ಒಂದು ಅತಿಥಿ ಗೃಹವನ್ನೂ ಸಹ ಒಳಗೊಂಡಿದೆ.

ನ್ಯಾಕ್ ಉದ್ಯಾನ: ಪರಿಸರ-ಸೂಕ್ಷ್ಮ ಅರಿವು ಬೆಳೆಸುವ ದೃಷ್ಟಿಯಿಂದ ಕಳೆದ ಹಲವಾರು ವರ್ಷಗಳಿಂದ ನ್ಯಾಕ್ ಆವರಣದಲ್ಲಿ ಸುಸಂಸ್ಕೃತ ಉದ್ಯಾನ ಪರಿಸರವನ್ನು ಪೋಷಿಸಿ ಬೆಳೆಸಿದೆ. ಉದ್ಯಾನದಲ್ಲಿ ಅಪರೂಪ ಮತ್ತು ಪ್ರಾದೇಶಿಕ ಪ್ರಭೇದಗಳ ೩೦೦ ಕ್ಕಿಂತ ಹೆಚ್ಚಿನ ಜಾತಿಗಳನ್ನು ಗುರುತಿಸಲಾಗಿದೆ. ಇವುಗಳ ವೈಜ್ಞಾನಿಕ ಹೆಸರು ಮತ್ತು ವಿವರಗಳನ್ನು ಶ್ರೀ ರವಿಕುಮಾರ್ ಕೆ, ಡಾ. ಟಿ.ಎಂ ರಾಮಕೃಷ್ಣ ಅವರ ಸಹಾಯದಿಂದ ಎಸ್.ಪಿ.ಎ. ಮತ್ತು ಬೆಂಗಳೂರು ವಿಶ್ವವಿದ್ಯಾನಿಲಯದ ಅನುಭವಿ ಜೀವಿವರ್ಗೀಕರಣ ಶಾಸ್ತ್ರಜ್ಞರಾದ ಡಾ. ವೈ.ಎನ್ ಸೀತಾರಾಮ್ ಅವರು ದಾಖಲಿಸಿದ್ದಾರೆ. ಪ್ರೊ. ಹೆಚ್. ಎ. ರಂಗನಾಥ್ (ಮಾಜಿ ನಿರ್ದೇಶಕರು,ನ್ಯಾಕ್) ೨೦೧೨-೧೩ರಲ್ಲಿ ಮತ್ತು ಮುಂದಿನ ಎಲ್ಲಾ ನಿರ್ದೇಶಕರ ನಿರಂತರ ಬೆಂಬಲ ಮತ್ತು ಪ್ರೋತ್ಸಾಹದಿಂದ ಈ ಯೋಜನೆ ಯಶಸ್ವಿಯಾಗಿ ಮುಂದುವರೆಸಲಾಗಿದೆ.

ನ್ಯಾಕ್ ನ ಸಸ್ಯಸಂಪತ್ತು: ನ್ಯಾಕ್ ಆವರಣದಲ್ಲಿ ಲಭ್ಯವಿರುವ ವಿವಿಧ ಹೂವುಗಳು, ಹಣ್ಣುಗಳು, ಗಿಡಮೂಲಿಕೆಗಳು, ಅಲಂಕಾರಿಕ ಸಸ್ಯಗಳು, ಒಳಾಂಗಣ ಮತ್ತು ಹೊರಾಂಗಣ ಸಸ್ಯಗಳ ಗುರುತಿನ ಮತ್ತು ಅವುಗಳನ್ನು ಸೂಕ್ತವಾಗಿ ದಾಖಲಿಸಲಾಗಿದೆ. ಸಸ್ಯಗಳನ್ನು ನಾಲ್ಕು ಗುಂಪುಗಳಾಗಿ ವಿಂಗಡಿಸಲಾಗಿದೆ ಮತ್ತು ಸಸ್ಯವನ್ನು ಅದರ ಸಸ್ಯಶಾಸ್ತ್ರೀಯ ಹೆಸರು, ಕುಟುಂಬದ ಹೆಸರು ಮತ್ತು ಮೂರು ಭಾಷೆಗಳಲ್ಲಿ (ಕನ್ನಡ, ಇಂಗ್ಲಿಷ್ ಮತ್ತು ಹಿಂದಿ) ನೀಡಲಾಗಿದೆ. ಸಾಮಾನ್ಯ ಹೆಸರಿನ ಜೊತೆಗೆ ಸಸ್ಯದ ಬಗ್ಗೆ ಕೆಲವು ಕುತೂಹಲಕಾರಿ ಸಂಗತಿಗಳನ್ನೂ ನೀಡಲಾಗಿದೆ. ಇದು ನ್ಯಾಕ್ ಕೈಗೊಂಡ ವಿಶಿಷ್ಟ ಉಪಕ್ರಮವಾಗಿದೆ. ಇದು ಪ್ರವಾಸಿಗರನ್ನು ಮತ್ತು ಸಸ್ಯ ಪ್ರೇಮಿಗಳನ್ನು ಆಕರ್ಷಿಸುತ್ತದೆ ಮತ್ತು ಅವರ ಗಮನವನ್ನು ಸೆಳೆಯುತ್ತಿದೆ.
ನ್ಯಾಕ್ ನಿರ್ದೇಶಕರ ಮುನ್ನುಡಿಯಿಂದ
ಸ್ವೀಕೃತಿ ಮತ್ತು ಮುನ್ನುಡಿ